प्रतिनिधिमा सभा नेपाल ऐन संशोधन गर्ने विधेयक प्रस्तुत

0
40

प्रतिनिधि सभामा केही नेपाल ऐन संशोधन गर्ने विधेयक, २०७९  प्रस्तुत भएको छ । प्रतिनिधि सभाको आइतवार बसेको बैठकमा कानून, न्याय तथा संसदीय मामिलामन्त्री गोविन्दप्रसाद शर्मा (कोइराला) ले केही नेपाल ऐन संशोधन गर्ने विधेयक, २०७९ लाई प्रस्तुत गरेका हुन् ।

उनले प्रतिनिधि सभामा बोल्दै संसदको कार्यकालको विषयलाई स्पष्ट पार्नका लागि विधेयक ल्याउनुपरेको बताए । उनँले विधेयकले प्रतिनिधि सभाको कार्यकाल पहिलो बैठक बसेको मितिबाट शुरु हुने र नयाँ निर्वाचित भएर आएको प्रतिनिधि सभाको पहिलो बैठकबाट सकिने व्यवस्था गरेको उल्लेख गरे ।

उनले विधेयकले गरेको व्यवस्था संविधानले अगाडि सारेको सिद्धान्तलाई कार्यान्वयन गर्ने प्रयोजनले नै राखिएको स्पष्ट पारे । उनले प्रतिनिधि सभाको कार्यकालको सम्बन्धमा अस्पष्टता रह्यो भने खतरा पैदा हुने बताए । प्रतिनिधि सभाको अर्को बैठक आइतवार नै १५ मिनेटपछि बस्नेगरी बोलाइएको छ ।

LEAVE A REPLY

Please enter your comment!
Please enter your name here