लागूऔषध तस्कर अल चापोका छोरा पक्राउ

0
49

लागूऔषध तस्कर अल चापोका छोरालाई पक्राउ गरेपछि मेक्सिकोको सिनालोआमा दंगा भड्किएको छ, जसमा दुई जनाको मृत्यु भएको छ । ओभिडियो गुस्मान लोपेजले आफूलाई आफ्नो पिताका ड्रग कार्टेलको प्रमुख बताउँछन् ।

ओभिडियोलाई सिनालोआ राज्यको कुलियाकान सहरमा ६ महिनाको निगरानीपछि पक्राउ गरिएको हो ।

पक्राउपछि गिरोहका सदस्यहरूले सडक अवरुद्ध, सवारी साधनमा आगजनी र स्थानीय विमानस्थलमा आक्रमण गरेका थिए । उड्ने तयारी गर्दै गर्दा यात्रुवाहक विमानमा गोली प्रहार भएको थियो ।

सिनालोआका तीनवटा विमानस्थलमा सयभन्दा बढी उडान रद्द भएका छन् । राज्यका गभर्नरले १८ जनालाई अस्पतालमा भर्ना गरिएको छ।

मेक्सिकोका रक्षामन्त्रीका अनुसार ओभिडियो गुजमान लोपेजलाई सिनालोआ ड्रग कार्टेल चलाएको आरोप छ । यो विश्वको सबैभन्दा ठूलो लागूऔषध तस्करी संगठन हो ।

ओभिडियोका बुबा अल चापो गुस्मान अमेरिकामा आजीवन कारावासको सजाय भोगिरहेका छन् । उनी सन् २०१९ मा लागुऔषध ओसारपसार र सम्पत्ति शुद्धीकरणको आरोपमा दोषी ठहर भएका थिए ।

LEAVE A REPLY

Please enter your comment!
Please enter your name here