चरमपन्थी संगठन अल शबाबद्वारा सोमालियाको एक होटलमा आक्रमण

0
57

पूर्वी अफ्रिकी देश सोमालियाको अतिवादी समूह अल–शबाबले राजधानी मोगादिसुको एउटा होटल कब्जा गरेको छ । प्रहरीका अनुसार आक्रमणकारीले होटलमा प्रवेश गर्नुअघि भवन बाहिर दुईवटा ठूला विस्फोट गराए र गोली चलाउन थाले ।

अल–शबाबले आफ्नो बयानमा होटल कम्प्लेक्स आफ्नो कब्जामा लिएको दाबी गरेको छ । उनीहरुले ‘सबैलाई गोली हान्यौँ’ पनि भनेका छन् ।​ मोगादिसुको एम्बुलेन्स सेवाका एक अधिकारीले समाचार एजेन्सी रोयटर्सलाई आक्रमणमा नौ जना घाइते भएको र उनीहरुलाई होटलबाट बाहिर निकालिएको जानकारी दिएको छ ।

अप्रमाणित भिडियो र फोटोहरू सामाजिक सञ्जालमा बढ्दो रूपमा शेयर भइरहेका छन्, जसमा होटलबाट धुवाँ र ठूलो विस्फोटको आवाज सुन्न सकिन्छ ।

‘द हयात’ नाम दिइएको यो होटल मोगादिसुको लोकप्रिय गन्तव्य हो, जहाँ संघीय सरकारी कर्मचारीहरू प्रायः भेट्छन् ।

LEAVE A REPLY

Please enter your comment!
Please enter your name here